Emigrantët shqiptarë në protestë në Romë, kërkojnë njohjen e viteve të punës nga Italia

Qindra emigrantë shqiptarë manifestuan në kryeqytetin italian Romë për të kërkuar njohjen reciproke të viteve të punës si në Shqipëri e në Itali e të drejtën e tyre të marrjes së pensionit. Përfaqësues të saj, emigrantë shqiptarë, politikanë e shtetas italianë që mbështesin këtë kërkesë, kanë protestuar në mënyrë paqësore përballë selisë së Ministrisë së Punës e Çështjeve sociale.
30 vite pas eksodit shqiptar në Itali, ende nuk ka një marrëveshje të unifikuar për përfitimin e pensionit. Ata kërkojnë një sqarim se ku kanë shkuar kontributet e tyre të depozituara ndër vite. Kjo është protesta e tretë që emigrantët shqiptarë në Itali zhvillojnë për unifikimin e ditëve të punës mes dy vendeve.