Një emigrant shqiptar që jeton prej më shumë se 20 vitesh në Angli iu bashkua protestës kundër qeverisë, duke lëshuar akuza të forta ndaj situatës në Shqipëri.
Ai tha se vendi është përballur, sipas tij, me varfëri, korrupsion dhe probleme të mëdha në shërbimet publike.
“Spitalet copë-copë, pensionistët shumë të varfër, kudo të shkosh, varfëri, korrupsion”, u shpreh ai.
Emigranti foli edhe për largimin e të rinjve shqiptarë drejt Anglisë, duke thënë se shumë prej tyre përfundojnë në ndërtim apo në sektorin e shërbimeve.
Sipas tij, shumë të rinj që kanë përfunduar studimet në Shqipëri nuk gjejnë mundësi për të ushtruar profesionet e tyre.
Ai kritikoi ashpër kryeministrin Edi Rama, duke e akuzuar se nuk po merr parasysh kërkesat e protestuesve.
“Sa ditë u bë protestë këtu? Nuk do të dijë fare Edi Rama”, deklaroi ai.
Emigranti bëri gjithashtu thirrje për bashkimin e diasporës shqiptare me protestat në vend.
“Emigrantët e Italisë, Anglisë, Amerikës dhe kudo të jenë, të vijnë në këtë shesh”, tha ai.
Më tej, ai kërkoi largimin e Ramës nga pushteti dhe përdori gjuhë të ashpër ndaj kryeministrit.
Ai pretendoi gjithashtu se korrupsioni është i përhapur në nivele të ndryshme të qeverisjes, duke përmendur edhe emra konkretë të kabinetit.
Discussion about this post