Portieri i kombëtares së Shqipërisë, Etrit Berisha, është vlerësuar si lojtari me notën maksimale (8.8) në fitoren që Empoli arriti ndaj Napolit në stadiumin “Diego Armando Maradona”.
Në minutën e 90+1, Viktor Kovalenko brenda 16-shit, nga rreth 13-14 metra me goditje të bukur ka shënuar supergol në këndin e djathtë të epërm, ku topi preku shtyllën dhe përfundoi në rrjetë.
Ky gol i ka dhënë një 3-pikësh Empolit në transfertë, ndërsa Berisha arriti të mbrojë portën e paprekur nga sulmet e vazhdueshme të Napolit.
Një paraqitje të mirë ka bërë edhe Ardian Ismajli po tek Empoli, ndërsa Rrahmani është aktivizuar te Napoli. Ismajli është vlerësuar me notën 7.3, ndërsa Rrahmani 6.7.
Napoli renditet në vend të katërt me 21 pikë e Empoli është në të 17-tin me 10 sosh.
Discussion about this post