Gjykata e Posaçme Kundër Korrupsionit dhe Krimit të Organizuar (GJKKO) ka dhënë dënimet për tetë anëtarët e grupit kriminal që u arrestuar në kuadër të operacionit ‘Shpirti’.
Dënimi në total është 99 vite burg, por të gjithë kanë përfituar nga gjykimi i shkurtuar, duke marrë kështu uljen e 1/3 së dënimit të caktuar nga Gjykata.
Ilirjan Duçellari është dënuar më shumë nga të gjithë, me 17 vite burg. Ai njihej si ‘Kokëlopa’ apo ‘Daja’ dhe do të qëndrojë 11.4 vite pas hekurave. Julian Bejdollari, Aurel Kalari, Kleo Bregu, Orhan Duçollari dhe Rexhino Muçaj janë dënuar me nga 13 vite burg secili, por do të vuajnë 8 vite e 8 muaj.
Me 12 vite është dënuar Alban Koshi, ndërsa Mariglen Ducellari me vetëm 5 vite. Këta dy të fundit do të vuajnë përkatësisht 8 dhe 3 vite e 4 muaj burg.
Julian Bejdollari, 13 vite burg (8 vite e 8 muaj burg)
Ilirjan Duçellari, 17 vite burg (11.4 vite burg)
Alban Koshi 12 vite (8 vite burg)
Mariglen Duçellari 5 vite (3 vite e 4 muaj burg)
Aurel Kalari 13 vite burg (8 vite e 8 muaj burg)
Kleo Bregu 13 vite burg (8 vite e 8 muaj burg)
Orhan Duçollari 13 vite burg (8 vite e 8 muaj burg)
Rexhino Muçaj 13 vite burg (8 vite e 8 muaj burg)
Të gjithë u shpallën fajtorë për veprat penale: “Kultivimi i bimëve narkotike”, në bashkëpunim në kuadër të grupit të strukturuar kriminal”, “Trafikimi i narkotikëve”, në bashkëpunim në kuadër të grupit të strukturuar kriminal, mbetur në tentativë, “Trafikimi i narkotikëve”, në bashkëpunim në kuadër të grupit të strukturuar kriminal ,“Pastrimi i produkteve të veprës penale ose i veprimtarisë kriminale”, “Grupi i strukturuar kriminal”, “Kryerja e veprave penale nga organizata kriminale dhe grupi i strukturuar kriminal”, parashikuara nga nenet, 284/1, 28/4, 283/a/1 e 22, 28/4, 283/a/1, 28/4, 287/1 gërma “d”, 333/a/1 dhe 334/1 të Kodit Penal.
Prokuroria e Posaçme përfundoi hetimet dhe çoi për gjykim dosjen e operacionit “Shpirti” me 31 të pandehur. Mes tyre janë edhe pesë funksionarë publik, duke filluar nga prokurori i Vlorës, Maksim Sota dhe Ilirjan Balla, ish-shef i trafiqeve në Policinë e Shtetit, Artur Krasniqi, Festim Lelaj, të gjithë të akuzuar për shpërdorim detyre. Mes të dërguarve për gjykim janë edhe dy truprojat e ish ministrit Saimir Tahiri, Paul (Agustin) Deda dhe Hekuran Marku, njëri i arrestuar në Francë dhe tjetri në Gjermani. Të dy janë të dyshuar si i përfshirë në ‘skemën’ e trafikut ndërkombëtar të kanabisit që grupi kriminal i drejtuar nga Ilirjan Duçellari. Pritet dënimi për të gjithë të tjerët.
Discussion about this post