Gjashtë persona janë shpallur në kërkim, pasi rezultojnë të jenë autorët e vrasjes së biznesmenit, Ardian Nikulaj. Portugezi dhe anglezi e kanë kryer vrasjen për llogari të Edmond Haxhias, të cilët në shenjë hakmarrje kanë bërë ekzekutimin me pagesë të Nikulaj. Shtetasi anglez është akomoduar pikërisht në hotelin dhe restorantin ku qëndronte dhe administrohej nga Nikulaj.
Anglezi ka qenë njeriu që ka orientuar vrasësin portugez, i cili sipas pamjeve filmike besohet së është me ngjyrë. “Ora News” ka siguruar pamjet filmike ku portugezi, shfaqet me jelek fosforishent, teksa del nga dera e një ndërtese, në dukje hotel, e cila ishte nga prapa hotelit “Coral” të viktimës Ardian Nikulaj.
Për një moment ai është pa kokoren e motorit dhe më pas e vendos atë në kokë. Ai ka ecur disa metra në këmbë dhe ka hyrë në lokal, duke ekzekutuar me 6 plumba, Ardian Nikulaj. Portugezi dhe shtetasi anglez tashmë janë larguar nga Shqipëri.
Personi i pestë që është shpallur në kërkim është njeriu që ka siguruar motorin “skuter”, të cilin e kishte blerë tek një vajzë. Pikërisht dëshmia e vajzës e ka identifikuar. Për këtë vrasje janë shpallur në kërkim dhe dy vëllezërit Elton dhe Klodian Lekstakaj, të cilët janë të afërm të viktimave Lauren dhe Gëzim Lekstakaj, persona këta të dyshuar të vrarë nga Arben dhe Ardian Nikulaj.
Discussion about this post