Zbardhen të tjera detaje nga ngjarja e rëndë që ndodhi në Herceg Novi të Malit të Zi nga 3 shqiptarë janë dhunuar shtazarisht nga të paktën 8 persona që mbanin të veshur uniforma kamuflazhi ushtarake.
Shqiptarët e dhunuar janë Klodjan Meaj, Azem Dervishi dhe Doris Kopaci.
Ata ndodheshin në një automjet me targa gjermane, kur janë sulmuar nga grupi i personave që dyshohet se janë serbë të Bosnjes.
Shkak i sulmit, sipas raportimeve, është fakti se 3 shqiptarët po flisnin shqip në automjet, ndërsa kalonte grupi i serbëve.
Forcërisht dy prej tyre janë nxjerrë nga makina dhe janë goditur me shkelma, grushta e mjete të tjera të forta, duke i shkaktuar gjakosje në fytyrë dhe hematoma.
Njëri prej shqiptarëve të dhunuar është dërguar në urgjencë për ndihmë mjekësore, ndëra policia malazeze ka ndaluar disa persona të dyshuar.
Gjithashtu raportohet se në orët e pasdites, autoritetet shqiptare kanë nisur kontaktet me ato të Malit të Zi.
Discussion about this post