Qyteti i Fierit mbrëmjen e sotme është tronditur nga të shtënat me armë zjarri ku për pasojë ka mbetur i vrarë një person. Bëhet fjalë për një tjetër krim në familje, pasi policia njofton se burri i identifikuar si Elton Metaj 31 vjeç, dyshohet se ka vrarë ish-bashkëshorten e tij Sabrina Bega në banesën e saj, në fshatin Zhupan të Fierit.
Por burime ekskluzive për Gijotina.com bëjnë me dije se ngjarja ka ndodhur konkretisht rreth orës 22:50 te shtëpia e ish vjehrrit, ku autori kishte pak kohë që kishte dalë nga burgu dhe i ka bërë presion ish- bashkëshortes së tij për tu pajtuar. Kjo e fundit dyshohet të mos ketë rënë dakord me vendimin e bashkëshortit të saj, situatë e cila ka agravuar deri në përdorimin e armës, ku për pasojë e reja është qëlluar për vdekje dhe dëshmitare e kësaj ngjarjeje të rëndë ka qenë edhe nëna e saj.
Pritet që autori i këtij krimi, më konkretisht Elton Metaj të përballet me akuzat për veprat penale “Armëmbajtjes pa leje” , “Kundërshtim i punonjësit të policisë” dhe “Dhunë në familje”. Ndërsa në cilësinë e provës materiale u sekuestrua arma e zjarrit kallashnikov, 2 gëzhoja dhe 25 fishekë luftarak. / Gijotina.com /
