Janë zbardhur emrat e tre personave të vënë në pranga nga Policia e Elbasanit që kanë kërcënuar biznesmenin që kishte fituar një tender në Bashkinë Tiranë.
Mësohet se ata janë: Algert Alcani, 27 vjeç; Edmir Boci, 37 vjeç; dhe Shaqir Alcani, 62 vjeç. I shpallur në kërkim është 38-vjeçari me inicialet L.K..
Të katër e kishin kërcënuar biznesmenin me inicialet E. M., administrator i një biznesi me qendër në Cerrik, Elbasan, duke i kërkuar që të tërhiqej nga një procedurë konkurrimi (tender publik), e fituar në bashkinë e Tiranës, nga firma e që ai administronte.
- E.M., nuk ka pranuar të tërhiqet dhe këta shtetas e kanë kërcënuar se do të vrisnin atë dhe familjarët e tij.
Gjatë operacionit ‘Tenderi” janë sekuestruar automjeti i përdorur nga autorët dhe 8 aparate celulare.
Discussion about this post