Një aksident i rëndë i ka marrë jetën një shqiptareje në Itali. Ngjarja ka ndodhur mbrëmjen e djeshme (11 mars) në Villafranca, ku ajo u përplas nga një shofer fillestar.
Mediat në shtetin fqinj raportojnë se bëhet fjalë për shtetasen 42 vjeçare Edmonda Boka, e cila sapo zbriti nga makina e saj, është përplasur nga një tjetër mjet, që drejtohej nga një 18-vjeçar.
Menjëherë në vendin e ngjarjes ka shkuar policia dhe ambulanca së bashku me një helikopter, por nuk kanë mundur të mbajnë në jetë shqiptaren.
Mjeku që ndodhej në bordin e helikopterit vetëm sa konfirmoi se vajza kishte ndërruar jetë.
Autoritetet po punojnë për të zbardhur rrethanat e aksidentit që i morën jetën shqiptares.
Discussion about this post