Pas identifikimit policia ka zbardhur detaje të reja lidhur me të shkuarën e autorit për plagosjen me armë zjarri të Edison Begajt tre muaj më parë në Lezhë.
Mësohet se Mitri Prifti, i shpallur në kërkim nga Policia e Vlorës për atentatin ndaj Edison Begës, është juristi, i cili disa vite më parë, 2016, u përfshi në dosjen në ngarkim të Emiliano Shullazit. Ai është kushëri i Jani Zakës, një prej personave që deklaroi se ishte kanosur nga Emiliano Shullazi për pronësinë e një parkingu.
Detaje nga atentati
Ngjarja e Edison Begajt na tregon se sa agresiv është krimi i organizuar. Gjate atentatit ai ishte i veshur me uniformë policie, teksa ne automjet kishte edhe fëmijët.
Kujtojmë se Begaj u qëllua me katër plumba në hyrje të banesës së tij rreth orës 23:20 minuta të së shtunës së shkuar (29 maj). Ndërsa zbret nga makina me celular në dorë, ai rikthehet sërish për te mjeti ku përpara i del një person i veshur me rroba të ngjashme me ato të Policisë.
Pasi shkëmbyen disa fjalë që në pamjet e kamerave të sigurisë dëgjohen qartë, atentatori nxjerr armën e zjarrit tip pistoletë dhe qëllon në drejtim të Begajt. Pas të shtënave, atentatori zhduket i ndihmuar edhe nga errësira në zonë, duke humbur kështu gjurmët e krimit. Pas të shtënave, 38-vjeçari përfundon në tokë, ndërsa fëmijët e tij brenda makinës në pjesën e përparme të mjetit shikojnë të gjithë ngjarjen.
