Një tjetër atentat me armë zjarri tronditi vendin pak para mesnatës në Shkodër, ku viktimë ka mbetur një 58- vjeçar i identifikuar si Sokol Çelaj. Ngjarja ka ndodhur në Reç të Shkodrës, teksa Çelaj ishte duke udhëtuar me mjetin e tij tip BENZ ML. Dëshmitare e ngjarjes së rëndë ka qenë edhe bashkëshortja e viktimës e cila ka treguar se 58-vjecari është qëlluar në hyrje të banesës nga një mjet targatt e të cilës nuk janë mundur të identifikohen ende për shkak të errësirës. ” Sapo kemi dal nga rruga e asfaltuar për të shkuar tek shtëpia, nga e djathta e jonë një person në këmbë ka dal nga pylli dhe ka filluar të qëllojë”.
Sakaq, burime bëjnë me dije se nga këqyrja e vendit te ngjarjes dyshohet se autori ka qëlluar me armë zjarri kallashnikov. Deri tani nuk nuk ka ende një pistë konkrete nga e policisë për ngjarjen e rëndë pasi viktima nuk ka pasur konflikte. Grupi hetimor po punon në zbardhjen e ngjarjes dhe gjetjen e autorit të vrasjes. Ndërsa nga informacionet e para që janë siguruar lidhur me të shkuarën e viktimës mësohet se , Sokol Çelaj ka jetuar për 25 vite në Angli dhe kishte rreth 3 vite që është kthyer në Shqipëri, ndërsa ka punuar si kuzhinjer në restorantet e zonës së Malësisë së Madhe.
