Shqiptarët së fundmi janë kthyer në mjeshtra të “shtëpive të barit” në Angli. Autoritetet britanike kanë zbuluar një ferme kanabis, të përshtatur nga një 29- vjeçar.
Sipas mediave brenda një banese tre katëshe në Gainsborough u zbuluan rreth 500 bimë kanabis me vlerë 380 mijë paund.
Në pranga është vënë Olsi Ferhati 29 vjeç, i cili ka deklaruar para gjykatës se kishte shkuar thjesht për të korrur disa nga bimët dhe se nuk kishte lidhje me fermën.
Bimët narkotike ishin të ndara nëpër ambiente të ndryshme të banesës. 62 bimë u gjetën në dhomën e ngrënies, 55 në dhomë e gjumit, 118 në papafingo dhe 333 fidanë ishin nën shkallë.
Vendi ku ishte kultivuar droge ishte përshtatur me të gjitha kushtet. 29-vjeçari shqiptar u dënua me katër muaj burg.
