Një 37-vjeçar është arrestuar nga policia për zjarrvënie në Kodër, Kombinat.
Bëhet fjalë konkretisht për personin e identifikuar me emrin Myslym Stafa, banues në Kombinat I cili sipas policisë ditën e djeshme është kapur në rrugën “Hamdi Cenoimeri” duke i vënë zjarrin shkurreve dhe pemëve halore, dhe për pasojë është djegur një sipërfaqe e madhe kodre me peme halore (pisha) dhe shkurre.
Lidhur me këtë ngjarje i riu pritet të përballet me akuzën për “Shkatrrimi i pronës me zjarr”.
Sakaq, Drejtoria Vendore e Policisë Tiranë apelon për të gjithë banorët që në asnjë rast mos shkaktojnë zjarrvënie pasi do të përballen me ligjin . Policia fton qytetarët që të denoncojnë në numrin 112 dhe Komisariatin Dixhital për çdo rast të zjarrvënies apo të paligjshmërisë në tërësi duke ju garantuar anonimatin dhe reagim të shpejtë e të paanshëm nga strukturat policore.
