Autori i zjarrvënies në fshatin Rreth-Libofshë është identifikuar dhe është vënë në pranga nga policia e Fierit. Burime nga policia bënë me dije se pas hekurave përfundoi personi i identifikuar me emrin Bani Mishtaku.
Uniformat blu bëjnë me dije se Mishtaku në fshatin Rreth-Libofshë, dyshohet se duke djegur me zjarr disa ferra dhe barëra të thatë, zjarri i ka dalë jashtë kontrollit dhe për pasojë janë djegur qindra rrënjë ullinj të disa banorëve, një sipërfaqe shumë e madhe me shkurre e pemë frutore si dhe janë rrezikuar banesat e këtij fshati.
Ai akuzohet për veprën penale “Shkatërrimi i pronës me zjarr” dhe materialet procedurale i kaluan Prokurorisë së Rrethit Gjyqësor Fier për veprime të mëtejshme.
