Një i dënuar me vrasje i shpallur në kërkim nga autoritetet shqiptare është ekstraduar sot nga Britania e Madhe drejt vendit tonë. Mësohet se bëhet fjalë për 42-vjeçarin “e rrezikshëm” me tre emra, Lekë Prendi, alias, Aleks Kola dhe Nikolin Pacani.
Mësohet se 42-vjeçari është dënuar me 21 vite burg për veprat penale si “vrasje” e kryer në bashkëpunim, vjedhje me pasojë vdekjen dhe armëmbajtje pa leje.
“Ekstradohet nga Mbretëria e Bashkuar drejt Shqipërisë, një person i shumëkërkuar, i dënuar me 21 vjet burgim, për vrasje.
Në vijim të bashkëpunimit me homologët, për lokalizimin, kapjen dhe ekstradimin e shtetasve të shpallur në kërkim ndërkombëtar, nga specialistët e Interpol Tirana, falë koordinimit dhe bashkëpunimit me autoritetet policore të Mbretërisë së Bashkuar, u bë ekstradimi drejt Shqipërisë i shtetasit:
Lekë Prendi alias Aleks Kola alias Nikolin Pacani, 42 vjeç.
Gjykata e Apelit Shkodër e ka dënuar këtë shtetas me 21 vjet burgim, për veprat penale “Vrasja” e kryer në bashkëpunim, “Vjedhja me pasojë vdekjen” dhe “Armëmbajtja pa leje” .”-thuhet në njoftimin e policisë shqiptare.
Discussion about this post