Në person në lagjen nr.15 të Korçës ka qëlluar me armë në ajër duke terrorizuar banorët e lagjes.
Mësohet se personi që ka qëlluar me armë nga ballkoni i banesës së tij, është 71-vjeçari Edmond Naska.
I moshuari raportohet se jeton i vetëm në katin e parë të një pallati në qytetin e Korçës.
Ai ka dalë në ballkon dhe ka qëlluar 3 herë me armë e më pas është izoluar brenda banesës.
Policia ka rrethuar zonën, ndërsa 60-vjeçari refuzon të vetëdorëzohet duke kërcënuar se do të hapë zjarr.
Njoftimi
Korçë/Informacion paraprak
Sot, rreth orës 10:20, në lagjen nr. 16, dyshohet se shtetasi E. N., 71 vjeç, me probleme mendore, ka qëlluar me armë zjarri nga ballkoni i banesës së tij (në katin e parë të një pallati).
Shërbimet e Policisë vendore kanë ndërhyrë mënjëherë duke krijuar perimetrin e sigurisë dhe kanë evakuuar banorët e zonës.
Nga të shtënat nuk ka asnjë shtetas të lënduar.
Në drejtim të vendit të ngjarjes po shkojnë shërbimet e Repartit Special RENEA, për të ndërhyrë për neutralizimin e shtetasit E. N., i cili ka mbyllur derën e banesës.
Ndërkohë, shërbimet e Policisë, me masa sigurie për jetën e tyre, po mbajnë të rrethuar banesën.
Aktualisht nuk ka asnjë rrezik për jetën e banorëve.
Discussion about this post