Pak javë më parë i riu shqiptar Selim Hoxha është arrestuar në Britaninë e Madhe pasi u kap në një fermë kanabisi. Policia britanike gjeti në ‘shtëpinë e barit’, ku ai punonte, rreth 200 rrënjë kanabisi. Nëse droga do të dilte në treg kapte vlerën e 200 mijë paundëve.
Në dëshminë e tij, Hoxha ka thënë se u largua nga Shqipëria për të shkuar në Gjermani, por në pamundësi të një pune që i siguron të ardhura të mjaftueshme, udhëtoi drejt Anglisë në pjesën e pasme të një kamioni.
Më tej ai ka thënë se ishte i detyruar të punonte në një ‘shtëpi bari’ pasi i duheshin para për të siguruar operacionin në zemër të nënës së tij. Gjykata në Britaninë e Madhe ka vendosur që ta ekstradojë të riun në Shqipëri.
Avokati i tij ka thënë para togave të zeza se shqiptari është i pafajshëm por hetimet duhet të vijojnë për të kapur kokat e bandave kriminale që shfrytëzojnë njerëzit për të ruajtur fermat e kanabisit.
Discussion about this post