EMRI/ Kush është polici i aksidentuar në Durrës

Mariglen Allko quhet polici i aksidentuar këtë të enjte në Durrës.

Makina përplasi efektivin para Drejtorisë Vendore të Policisë, ndërsa ai po kalonte te vizat e bardha.

Shoferi është në komisariat për veprime të mëtejshme, ndërsa Allko ndodhet në spital, nën kujdesin e mjekëve.

Njoftimi i policisë:

Rreth orës 18:35, në lagjen nr. 8, përpara ambienteve të Drejtorisë Vendore të Policisë Durrës, automjeti me drejtues shtetasin A. F., ka përplasur shtetasin M. A. punonjës policie në Komisariatin e Policisë Durrës, i cili ishte duke kaluar në vijat e bardha për këmbësorët.

Punonjësi i Policisë, shtetasi M. A. ndodhet në spital, në kujdesin e mjekëve, ndërkaq, drejtuesi i automjetit, shtetasi A. F. është shoqëruar në Komisariatin e Policisë Durrës, për veprime të mëtejshme.

Grupi hetimor ndodhet në vendngjarje dhe po punon për sqarimin e rrethanave të aksidentit.