Një 33-vjeçar i shpallur në kërkim është vënë në pranga nga policia në Kuçovë mëngjesin e sotëm. Burimet zyrtare bëjnë me dije se është ndaluar shtetasi Endrion Dajko nga Kuçova, pasi akuzohet për veprat penale “Vjedhje” dhe “Drejtim mjeti në mënyrë të parregullt”.
Mësohet se, ndalimi i tij u bë pasi Gjykata e Shkallës së Parë Berat e ka dënuar me 6 muaj burg për veprat penale “Vjedhja” dhe “Drejtim mjeti në mënyrë të parregullt”. Ndërkohë, materialet procedurale i kaluan Prokurorisë pranë Gjykatës së Shkallës së Parë Berat, për veprime të mëtejshme. Burimet bëjnë me dije se, policia gjatë kësaj jave ka bërë të mundur arrestimin e disa personave me precedent penale, në kuadër të kontrolleve për kapjen e personave të shpallur në kërkim kombëtar.
