Një ngjarje e rëndë ka ndodhur ditën e sotme në fshatin Manati në Lezhë, ku ka mbetur i plagosur një person. Sipas njoftimit të policisë, i plagosur ka mbetur 25-vjeçari Paolo Ndoj, i cili ndodhet në spital jashtë rrezikut për jetën.
Mësohet se, konflikti ka ndodhur mes tij dhe Xhulio Vokrrit për çështje pronësie, ku ky i fundit ka nxjerrë më pas armën duke qëlluar në drejtim të 25-vjeçarit.
Shërbimet e Policisë kanë rrethuar zonën dhe po vijojnë punën për kapjen e autorit. Grupi hetimor nën Drejtimin e Prokurorisë së Rrethit Gjyqësor Lezhë, po vijon punën për zbardhjen e plotë të rrethanave të ngjarjes.
Plagosja në Lezhë, pamje nga vendi i ngjarjes
Gijotina.com ka siguruar pamje nga ngjarja e pasdites së sotme në Lezhë, ku një i ri mbetur i plagosur, ndërsa u shpall në kërkim një tjetër.
Ngjarja është regjistruar rreth orës 14:40, në fshatin Manati të Lezhës. Paulo Ndoj është përleshur me Xhulio Vokrrin, për arsye që janë ende të paqarta. Në sherr e sipër Vokrri ka nxjerrë armën e zjarrit dhe ka qëlluar drejt Bushit me dy plumba, duke e lënë të plagosur në këmbë.
25-vjeçari është dërguar në spital ku ndodhet jashtë rrezikut për jetën, ndërsa Vokrri është larguar nga vendi i ngjarjes. Autoritetet kanë ngritur pika kontrolli në hyrje-daljet e Lezhës dhe po punojnë për kapjen e tij.
