Narkotrafikanti shqiptar Fasli Qibini, i cili ishte në arrati për mbi 13 vite dhe u arrestua vetëm janarin e kaluar, u dënua me 10 vjet burg në Itali.
Mediat italiane raportojnë se ai mori një dënim dukshëm të lehtë në krahasim me akuzat dhe kërkesat e prokurorisë publike që kishte bërë kërkesë për dënuar me 20 vjet burg. Shqiptari përfitoi nga gjykimi i shkurtuar.
Gjyqtari, duke ndjekur vijën mbrojtëse të avokatit, ka përjashtuar akuzën e organizatorit dhe drejtuesit të shoqatës kriminale, duke ulur kështu dënimin, shkruajnë mediat italiane.
Arrestimi
Në 5 janar 2024 është arrestuar në Napoli të Italisë, shqiptari Fasli Qibini. 64-vjeçari ishte shpallur në kërkim prej 12 vitesh. Ai rezulton i dënuar me mbi 22 vite burg për trafik ndërkombëtar droge.
Shqiptari ishte ndërmjetës në trafikun ndërkufitar të drogës. Për këtë krim ai ishte shpallur në kërkim që prej vitit 2011. Qibini menaxhonte trafikun e heroinës në 4 shtete. Më konkretisht, ai trafikonte drogë në Shqipëri, Greqi, Turqi dhe Itali Jugore, ku bënte biznes me klanin Di Lauro dhe më pas me “Nardielli”.
Ndonëse ishte treguar mjaft i kujdesshëm për tu fshehur për 12 vjet, Qibini kishte shkuar pranë gruas dhe djalit për të festuar Krishtlindjet. Ai u kap në një nga rrugët e qytetit të Napolit, ndërsa në gjurmët e tij policia ra pasi kishte parë gruan dhe djalin teksa blinin cigare, ndonëse ata nuk ishin duhanpirës. Në këtë mënyrë, policia intensifikoi kontrollet, derisa ra në gjurmët e shqiptarit të shumë kërkuar.
gijotina.com/
Discussion about this post