EMRI – U përfshi në aksident teksa drejtonte makinën i dehur, AMP arreston inspektorin

Agjencia e Mbikëqyrjes Policore (AMP rajoni Shkodër-Lezhë) ka arrestuar një inspektor policie pranë Komisariatit Nr.5 në Tiranë.

Bëhet fjalë për 48-vjeçarin Vladimir Kaloshi, i cili dyshohet për kryerjen e veprave penale “Shkelje e rregullave të qarkullimit rrugor” dhe “Drejtimi i automjeteve në gjendje të dehur”.

Sipas AMP, ai u përfshi në një aksident në aksin rrugor Torrovicë – Balldre me mjetin e tij dhe rezultoi i dehur në timon.

“Agjencia e Mbikëqyrjes Policore (Rajoni Shkodër-Lezhë) ka arrestuar Inspektorin V.K., 48 vjeç, me detyrë punonjës policie pranë Komisariatit të Policisë Nr. 5, në D.V.P Tiranë, i dyshuar për kryerjen e veprave penale “Shkelje e rregullave të qarkullimit rrugor” dhe “Drejtimi i automjeteve në gjendje të dehur”. Ai u përfshi në një aksident në aksin rrugor Torrovicë – Balldre me mjetin e tij, jashtë rrezikut për jetën”, njoftoi AMP.