Zona malore e Thethit duket se do të përballet përsëri me një dimër të ashpër. Prej 3 ditësh në këtë zonë kanë nisur reshjet e borës, duke krijuar probleme në qarkullimin e banorëve të zonës dhe automjeteve.
Banorët e zonës ankohen për situatën e krijuar, sidomos në aksin Qafë Thore – Theth. Këta të fundit i bëjnë thirrje institucioneve që të kthejnë kokën nga kjo zonë dhe të ndërhyjnë sa më parë, teksa trashësia e borës shkon nga 20 cm deri në 50 cm.
Çdo vit, Thethi bllokohet nga bora, duke krijuar probleme të shumta për banorët e zonës, por edhe turizmin e asaj zone që mbetet e bllokuar. Kujtojmë se ky aks rrugor ka kaluar nën administrimin e ARRSH.
Së fundmi, ka përfunduar edhe rikonstruksioni i këtij aksi rrugor që në fakt u prit të zgjidhë problematikën e transportit, në një nga destinacionet turistike më të frekuentuara malore. Por, siç duket edhe ky dimër do të jetë njësoj për banorët e kësaj zone, pavarësisht rikonstruksionit të kësaj rruge.
Discussion about this post