Enis Çokaj shkëlqen në Kroaci, përfshihet në formacionin e javës

Enis Çokaj, pasi la pas dëmtimin, javët e fundit është rikthyer të jetë protagonist me Lokomotiva Zagreb në kampionatin kroat.

Mesfushori i kombëtares shqiptare dha dy asiste në ndeshjen e fundit kundër HNK Gorica, që përfundoi me rezultatin 3-3.

Futbollisti nga Kopliku, i cili ka provuar të luajë edhe 6 muaj në Superiore me Laçin, është vlerësuar me notën 8.1 nga Sofascore.

Vetëm Petkovic i Dinamo Zagreb dhe Livaja i Hajduk Split kanë marrë nota më të larta se Çokaj, i përfshirë sigurisht në formacionin më të mirë të javës së 34-t.