Presidenti turk Recep Tajip Erdogan ngre sërish tonet me Greqinë. Në një intervistë për TRT-në, presidenti Erdogan tha se Athina zyrtare e kishte provokuar sërish.
Më tej, ndër të tjera, Erdogan deklaroi se Ankaraja nuk do t’i lërë pa përgjigje “sfidat” e Athinës në rast se “siguria jonë është në rrezik”.
“Greqia po shkel hapësirën tonë ajrore, po ngacmon avionët tanë dhe po ngacmon peshkatarët tanë, duke rritur tensionet. Forca jonë ajrore po i përgjigjet këtyre veprimeve armiqësore dhe do të vazhdojë t’u përgjigjet. Greqia ka një sjellje agresive, e cila bie ndesh me marrëdhëniet e fqinjësisë së mirë dhe nuk mund të pranohet. Greqia ka detyrime të cilat nuk i përmbush, cenon rajonin tonë,”- pohoi presidenti turk.
Duke injoruar mesazhet e Perëndimit për respektimin e rregullave të së drejtës ndërkombëtare, duket se Ankaraja nuk përmbahet nga retorika nxitëse, përkundrazi sulmon sërish Athinën dhe e akuzon për shkeljen e kushteve të fqinjësisë së mirë.
Discussion about this post