Presidenti turk Rexhep Tajip Erdogan bëri homazhe sot në mauzoleumin e Adnan Menderes në Stamboll, duke kujtuar pararendësin e tij islamik në një tentativë për të mbledhur ndjekësit e tij te vota.
Menderes u gjykua dhe u var në litar një vit pas tentativës së grusht-shteti në 1960 kur Turqia iu rikthye rrugës laike politike.
Edhe Erdogan i mbijetoi një grushti shteti kundër partisë së tij me rrënjë islamike në vitin 2016, teksa citonte më parë Menderes në raundin e parë të zgjedhjeve më 14 maj.
Duke folur për të pranishmit në mauzoleum, Erdogan tha se “nesër do të shkojmë në zgjedhje dhe shpresojmë t’i themi botës se epoka e juntave dhe grushteve të shtetit ka marrë fund.
Erdogan ka thënë më parë se dëshiron të vijojë luftën e nisur nga Menderes për të drejtat fetare e nacionaliste.
Në votën e parë të dy javëve më parë Erdogan mundi rivalin e tij laik Kemal Kilicdaroglu me rreth pesë përqind të votave më shumë.
Por ai nuk arriti pragun prej 50-përqind që të eliminonte përballjen direkte që kryhet me votën të nesërme.
Opozitari Kilicdaroglu ka fokusuar fushatën në çështje më imediate si largimi i refugjatëve dhe forcimi i sigurisë territoriale turke.
Në një program televiziv ai akuzonte dje Erdogan se ka bllokuar shpërndarjen masive të mesazheve elektorale të tekstit për votuesit.
Discussion about this post