Gjatë konferencës në Shqipëri, presidenti Turk Rexhep Taip Erdogan i ka vënë “ultimatum” qeverisë shqiptare që të marra masë kundër gylenistëve. Për këtë deklaratë mediat turke i kanë bërë jehonë presidentit.
Faqet e para të gazetave “online” si “Hurriyet” apo “Haberturk” në Turqi janë mbushur me thirrjet e forta të Erdogan, gati në formë ultimatume ndaj qeverisë shqiptare, teksa tha se pret që në vizitën e tij të ardhshme “të ketë marrë fund problemi i gylenistëve”.
“Një mik i vërtetë është ai që nuk heziton të thotë të vërtetën, edhe nëse ajo dhemb”, tha Erdogan nga foltorja e Parlamentit shqiptar, teksa i quajti anëtarët e organizatës FETO, që sipas tij vijojnë të operojnë në Shqipëri, si “terroristë që i kanë duart me gjak”.
Ndërsa në faqet e medieve kryesore turke, nuk mungojnë të pasqyruara as komplimentet e shumta dhe vlerësimet që kryeministri Edi Rama i bëri Erdoganit. “Erdogan është i vetmi lider që bën atë që thotë”, “Është privilegj të kaloj kaq shumë kohë me Erdogan”, janë disa nga thëniet e Ramës që kanë bërë lajm në mediat turke.
Discussion about this post