Ergys Mërtiri mendon se në Partinë Demokratike nuk duhet të ketë zgjedhje menjëherë, sepse situata është e tensionuar.
I ftuar në emisionin “Të Paekspozuarit” në MCN TV, Mërtiri u shpreh se Basha u largua duke qenë i detyruar.
“Basha ishte i detyruar. Sidomos në Shqipëri, askush nuk jep dorëheqjen me qejf. Janë rrethanat që ta bëjnë të pamundur qëndrimin. A i bën kjo dobi opozitës, në veçanti Partisë Demokratike? A do të jetë kjo dorëheqje, a do të pasohet me një konflikt se kush do të jetë kryetari i ri? Varet nga aktorët.
Nuk e shoh dorëheqjen si strategji. Bëhet sepse je i detyruar ta bësh. A do të çojë kjo në rikandidimin e zotit Basha apo të Berishës, mbetet të shihet. Kjo kohë ka prodhuar shumë tensiuon. Zgjedhjet në kushte tensioni do të ishin problematike”, tha Mërtiri.
Sipas Mërtirit, opozita e Bashës ka qenë modeli se si dështon “një politikë me koncesione”.
“Opozita e Bashës ka qenë modeli që na tregon dështimin e politikës të bërë me koncesione, të dukshme dhe të padukshme. PD është qeverisur nga Basha në bashkëortakëri me Sali Berishën. Zoti Basha, nëse ka tentuar të krijojë pavarësinë apo shkëputjen e vet, ka qenë i detyruar të tërheqë zvarrë dy gjyle, Berishën dhe Metën”, tha Mërtiri.
Discussion about this post