Deputeti Erion Braçe ka deklaruar sot se në vend po mbitaksohen bizneset e vogla dhe ato të mëdhenjtë shpëtojnë duke fshehur fitimet.
Me anë të një postimi në rrjetet sociale ai ka shpërndarë disa shifra ku tregohet se sa kanë paguar realisht kompanitë e mëdha në shtetit. Sipas tij, një kompani private në vend deklaron fitim 1.1% të xhiros, me 0.2% të xhiros tatim fitimi të paguar deri në qershor.
Sipas tij , ky është abuzim i hapur dhe institucionet duhet të verojnë
“Por të shohësh xhiron, fitimin, tatimin mbi fitimin e 100 VIP-ave të ekonomisë sonë, kupton se kemi shume pune për të bërë;
Kompania më e madhe private në vend për nga xhiroja, fshehur pas një emri ne anglisht, deklaron fitim 1.1 % të xhiros, 0.2 % të xhiros tatim fitimi të paguar deri në qershor;
Kompania më e madhe në shpërndarjen dhe tregtinë e mallrave, ushqimeve e pijeve deklaron fitim 3.6 % të xhiros, 0.5 % të xhiros tatim fitimi të paguar deri ne qershor;
Kompania që zotëron rrjetin më të madh të supermarketeve në vend, deklaron fitim 2.8 % të xhiros, tatim fitimi i paguar deri në qershor është i papërfillëshëm;
Kompanitë më të mëdha të ndërtimit të rrugëve dhe të transportit rrugor e detar, deklarojnë fitim 5.3% të xhiros, tatim fitimi 0.6 % të saj – njëra, dhe fitim 2.6 % të xhiros, tatim fitimi 0.6% të saj-tjetra;
Kompanitë më të mëdha të shërbimeve spitalore private dhe farmaceutike, që janë mbytur në para gjatë 2020, deklarojnë fitim 5.4% të xhiros, tatim fitimi 0.4 % të saj – njëra, dhe fitim 4.6% të xhiros, tatim fitimi 0.6 % të saj-tjetra. TAKSO TË PASURIT”, shkruan ai.
Në kohët e fundit ish-zëvendëskryeministri ka qenë shumë kritik ndaj qeverisë, duke vënë shpesh në dukej mangësitë e punës së institucioneve.
