Erling Haaland fitoi titullin e parë me Manchester Cityn dhe kishte një mesazh të dedikuar për babain e tij, Alfie Haaland (50 vjeç), ish-mesfushor i “Citizens” mes viteve 2000 dhe 2003.
“Ne e shijojmë këtë së bashku, e gjithë familja, veçanërisht babai. Kjo nuk është diçka që e përjetoni çdo ditë, ndaj duhet ta shijoni. Tani, më në fund, mund të them se kam fituar një titull më shumë në Premier League se ai. Nuk është gabim ta kesh atë në rezymenë tënde.
Janë kujtime që do t’i mbaj me vete për gjithë jetën. Kemi luftuar aq shumë dhe sinqerisht nuk di çfarë të them, nuk kam planifikuar asgjë për të thënë! Është e veçantë.
Do ta shijoj këtë ditë. Ky është një moment kaq i veçantë me trofeun dhe të gjithë lojtarët dhe të gjithë klubin. Pa klubin dhe kolegët e mi nuk do të ishte e mundur. Është e mahnitshme”,- ka thënë Erling Haaland, sipas Daily Mail.
Discussion about this post