Ernest Muçi me formën e jashtëzakonshme që po tregon duket se është kthyer në një ‘thesar’ për polakët e Legia Varshavës.
Sulmuesi i Kombëtares parashikohet të jetë shitja më e shtrenjë e Legias, ndërsa mediat njoftojnë se ekipi polak kërkon jo më pak se 7 mln euro për ta lënë të lirë lojtarin.
‘Sport.tvp.pl’ bën me dije se kërkesat për Muçin janë të shumta, me Fulhamin në Premier League që po ushtron presion.
Sipas medies në fjalë, Legia nuk e lë të lirë Muçin për më pak se 7 milionë euro, duke dashur që ta bëjnë lojtarin më të shtrenjtë që kanë shitur.
Deri tani rekordin e mban portieri Radosław Majewski, që në vitin 2019 u transferua te AS Monaco po për 7 milionë euro.
Për këtë fakt Muçi pritet të mos lihet i lirë për më pak, duke kujtuar se Legia pagoi vetëm 500 mijë euro në shkurtin e 2021 te Tirana për të blerë sulmuesin e Kombëtares.
Discussion about this post