Ish-deputeti i Partisë Demokratike Ervin Salianji ka depozituar rekurs në Gjykatën e Lartë, ku kundërshton vendimin e Apelit me Juridiksion të Përgjithshëm që e dënoi atë me 1 vit burg për kryerjen e veprës penale “kallëzim i rremë”.
Në shkresën e rekursit, Salianji thotë se kundërshton vendimin e datës 18 dhjetor 2019 të Gjykatës Penale, por edhe vendimin e datës 26 shtator të Apelit të Juridiksionit të Përgjithshëm.
Rekursi i tij është regjistruar në shkallën e tretë të gjyqësorit, teksa relatori i çështjes Sokol Binaj ka caktuar datën 11 mars për zhvillimin e seancës.
Salianji ndodhet prej 27 shtatorit të vitit të kaluar në burgun e Fierit, pasi Gjykata e Apelit e dënoi me 1 vit burgim për shkak se i prishi imazhin Qeverisë duke denoncuar Geron Xhafajn, vëllain trafikant droge të ish-ministrit Fatmir Xhafaj.
Procesi kundër Salianjit është denoncuar nga opozita, duke u cilësuar si politik dhe hakmarrje e Ramës dhe Xhafajt ndaj deputetit demokrat.
Discussion about this post