“Mitrovica e Veriut është në udhëkryqin e katër vendeve shumë dinamike, Kosovës, Maqedonisë së Veriut, Shqipërisë dhe Serbisë. Mitrovica e Veriut, mund të bëhet një zonë pa taksa, një qendër për transport për gjithë Ballkanin dhe një treg i përbashkët rajonal.
Këtu shohim një mundësi që do të ndikojë dhe do të ndihmojnë të gjitha vendet e rajonit, jo vetëm Serbinë dhe Kosovën”, kështu është shprehur i dërguari Special i Shteteve të Bashkuara të Amerikës në Ballkanin Perëndimor Gabriel Escobar para mediave i pyetur në lidhje me situatën në veri të Kosovës.
Më pas ai shtoi se duhet gjetur një zgjidhje e qëndrueshme jo vetëm për krizën aktuale, por në kuadër të bashkëpunimit rajonal. Duke vënë në dukje rëndësinë dhe prioritetin kësaj zone i bëri thirrje Kosovës dhe Serbisë që të fokusohen në çështjen e Zonës së Tregtisë së Lirë. “Mitrovica e Veriut është në udhëkryqin e katër vendeve shumë dinamike, Kosovës, Maqedonisë së Veriut, Shqipërisë dhe Serbisë.
Kjo zonë, mund të bëhet një zonë pa taksa, një qendër për shpërndarje mallrash, për transport për Ballkanin e hapur dhe një treg i përbashkët rajonal”, citoi zyrtari i lartë amerikan. I pyetur për performancën e përbashkët të vendeve të Ballkanit Perëndimor në kushtet aktuale në të cilat Serbia nuk e njeh Kosovën, ai përgjigjet: “E ardhmja e Ballkanit perëndimor është integriteti evropian ndaj le të largojmë dhe të zgjidhim pengesat që e pengojnë anëtarësimin e Kosovës dhe Serbisë në BE.
E ardhme e përbashkët e të dy popujve është në BE, si dhe një e ardhme ekonomike do t’u mundësojë fëmijëve të qytetarëve të qëndrojnë në vendet e tyre”, është shprehur Escobar.
Discussion about this post