Escobar kërkon distancimin e Berishës: PD të lërë pas të shkuarën

I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar ka komentuar zhvillimet në Partinë Demokratike duke i dhënë një mesazh ish-kryeministrit Sali Berisha.

Në një intervistë për Tovvima, Escobar është shprehur se është shumë e trishtë të shohësh se si një parti si PD-ja, është e përfshirë në një përçarje të tillë, ndërsa shton se kjo e fundit duhet të lërë pas të shkuarën, duke kërkuar dorëheqjen e Berishës.

“Ne kemi një marrëdhënie shumë të mirë me PD. Një demokraci e fortë ka nevojë për një opozitë të fortë. Është e trishtueshme ajo që ndodh me PD në këtë moment. Shpresoj që anëtarët e PD-së dhe populli shqiptar të refuzojnë të kaluarën dhe të shikojnë nga e ardhmja. Shpresoj që ajo që ndodhi të mos rikthejë ditët e këqija, kur korrupsioni karakterizonte pikëpamjen e shumë njerëzve në rajon për Shqipërinë,” shprehet Escobar.