Pas vendimit për burg që dha GJKKO, Alqi Bllako është zhdukur. Menjëherë pas vendimit policia i ka shkuar në banesë ish-deputetit, bashkë me agjentë të Byrosë Kombëtare të Hetimit por shtëpia ishte bosh. Vendndodhja e deputetit është ende mister pasi askush prej palëve nuk jep një version të saktë.
Ndërkohë, avokati Sokol Hazizaj, i kontaktuar nga mediat thotë se nuk është njoftuar për arrestimin dhe se ai ka një prokurë për përfaqësimin e Bllakos. Telefoni i Bllakos prej ditësh del i fikur. Në mungesë të informacionit nga autoritetet, nuk dihet nëse ish deputeti të jetë arratisur para se policia të ekzekutojë masën e gjykatës.
Por, një lëvizje e fundit e Hazizajt shton dyshimet se Bllako është arratisur. Sokol Hazizaj që ka publikuar një foto nga avioni ku shkruan “Ciao, përqafime”. A është ky një mesazh për një arratisje të mundshme të klientit të tij, Alqi Bllako apo një foto e publikuar pa asnjë mesazh të fshehtë? Kjo mbetet për t’u parë.
Discussion about this post