NATO ka ngritur alarmin sa i përket luftës në Ukrainë, duke hedhur akuza të forta ndaj Rusisë. Sipas Sekretarit të Përgjithshëm i NATO-s, Jens Stoltenberg Rusia ka përdorur bomba thërrmuese, artileri të ndaluar gjerësisht në Ukrainë. Sipas tij, ky ndërveprim është çnjerëzor.
“Ne kemi parë përdorimin e bombave thërrmuese dhe kemi parë raporte për përdorim të llojeve të tjera të armëve që do të ishin në kundërshtim me ligjin ndërkombëtar. NATO dhe aleatët e saj po mbledhin informacion dhe po monitoronin nga afër se çfarë po ndodh në Ukrainë. Ky është brutalitet. Kjo është çnjerëzore. Kjo është shkelje e ligjit ndërkombëtar,” tha Stoltenberg.
Ndërsa bëri me dije se për këtë çështje kanë nisur hetimet dhe NATO pret rezultatin sa më parë nga gjykata. “Unë mirëpres gjithashtu vendimin e Gjykatës Ndërkombëtare Penale për të hapur hetimin për këtë, sepse ne duhet të sigurohemi që presidenti Putin, presidenti i Bjellorusisë të mbahen përgjegjës për atë që bëjnë”, tha ai.
Bombat thërrmuese japin një shpërthim fillestar në goditje, por gjithashtu përmbajnë bomba të shumta më të vogla që përhapen në një zonë të gjerë –dënohen kryesisht nga komuniteti ndërkombëtar për shkak të rrezikut të viktimave civile kur ato përdoren në zona të populluara.
Discussion about this post