“Është djalë i mirë”, mamaja e Efit jep pëlqimin për Brunon

Në puntatën e sotëm të “Për’puthen”, ka qenë takimi mes Efit dhe Brunos, të cilët janë shfaqur mjaft të afërt pranë njëri-tjetrit.

Në një pjesë të takimit, Efi e ftoi Brunon në studion e saj dhe i gdhendi një tatuazh. Ajo zgjodhi të punojë tatuazhin në anën e djathtë të shpatullës së konkurrentit. Ai u shpreh i kënaqur me rezultatin, ndërsa tha se sido që të shkojë njohja me Efi, ai do ta ketë tatuazhin në trup si një kujtim të bukur.

Pas këtij çasti romantik, dyshja u ulën për të darkuar, teksa gjatë gjithë kohës diskutonin me njëri-tjetrin. Bruno donte të dinte se çfarë mendon mamaja e Efit për të dhe konkurrentja nuk hezitoi ta telefonojë mamanë, që Bruno ta dëgjonte përgjigjen nga vetë ajo.

Zonja u shpreh se e sheh Brunon si djalë të mirë, ndërsa theksoi se i pëlqeu surpriza që ai bëri në “Për’puthen Prime”, që të gjithëve iu duk shumë romantike dhe një provë se Bruno e pëlqen shumë konkurrenten e re të emisionit.

Gjatë bisedës, Efi i rrëfeu Brunos se “kur mungon ai, është sikur mungon pjesa kryesore e pazëllit në ‘Për’puthen’.”