Aktori i humorit, Julian Deda ka treguar arsyet që e kanë shtyrë të hyjë në politikë. I ftuar në emisionin “Të Paekspozuarit”, Julian Deda tha se është bashkuar me PD-në sepse e ka ndjerë si përgjegjësi të kritikojë dhe të japë mendimin tij. Po ashtu ai ka komentuar edhe marrëdhënien e tij me djalin e kryedemokratit Sali Berisha, Shkëlzenin.
Intervista
Ylli Rakipi: Pse e pëlqen Jul Deda politikën?
Julian Deda: Si fillim, unë nuk është se e pëlqej politikën, por unë pëlqej që një shqetësim që e kam, ta them. Kështu e kam nisur këtë gjë, këtu e para nëntë vitesh. E kam ndjerë si përgjegjësi sepse mendoj se të gjithë njerëzit si puna ime, që kanë një audiencë, kanë një lloj influence në publik, duhet ta thonë atë që mendojnë, si për mire dhe si për keq, nuk kemi pse fshihemi. Kemi kaluar lloj lloj kauzash, të cilat deri diku janë shitur, janë blerë, nuk janë çuar deri në fund, janë futur shkopinj nëpër rrota. Por ama, si njerëz të njohur, jo si vipa, si njerëz që kemi një lloj audience, mund ta themi se çfarë nuk shkon mirë. Se sa influencojmë këtë nuk e di. Pastaj, aderimi në një parti politike është tjetër gjë.
Ylli Rakipi: Thonë përshembull që ti je miku i ngushtë i Shkëlzen Berishës dhe ky është shkaku që je futur në politikë?
Julian Deda: Nuk është ky shkaku. Unë vërtet jam mik me Shkëlzenin, jemi moshatarë, jemi shumë miq dhe nuk kam kompleks në këtë drejtim. Por, me Zenin jam njohur pasi kam dhënë pëlqimin tim për Partinë Demokratike, jo e kundërta. Nuk kam shkuar në PD nga njohja me Zenin.
Discussion about this post