Fatbardh Kadilli dhe Edith Harxhi janë përplasur ashpër sot me njëri-tjetrin në një emision televiziv në lidhje me statutin e PD-së. Gjatë fjalës së saj Harxhi tha se statuti i PD nuk është aspak në formën e duhur, pasi është krijuar nga Basha për interesat e tij, duke e kthyer në një statut klientelist. Madje iu drejtua Kadillit me tone kritikuese, duke i thënë se duhej të kishte reaguar kur u diskutua statuti i ri dhe jo të flas tani që nuk ka më asnjë efekt.
“E para nuk mendoj që statuti i PD është i mirë, por klientelist. Është bërë nga Lulzim Basha duke hequr edhe shumë element të statutit. Mendoj që zoti Kadilli e di mirë sepse ka qenë në Kryesi kur janë diskutuar ndryshimet statutore. Do duhej të kishte folur më parë në kryesi kur u diskutua statuti i ri. Unë nuk kam hatërmbetje ndaj askujt që e kanë hartuar këtë statut”, tha ajo.
Mes irone, Kadilli i tha Harxhit se ajo paska harruar reagimet e tij për statutin dhe mëmyrën se si u diskutua ai. Në këtë pikë ka nisur dhe përplasja mes tyre, saqë Harxhi ka akuzuar Kadillin se nuk po tregohet i sinqertë për të fshehur gabimet që ka bërë në rishikimin e statutit.
Pjesë nga debati:
Harxhi– Ju nuk mund të sqaroni pozicionin tim, se unë nuk kam marrë asnjë gjë përpara
Kadilli– Ka patur një propozim të sjellë nga zonja Harxhi, zoti Kulluri ka qenë bashkëpunëtor dhe zoti Imami. Ka pasur edhe propozime që erdhën edhe nga Astrit Patozi por që kanë qenë të natyrës politike.
Harxhi– Zoti Patozi ishte larguar në atë kohë zoti Kadilli
Kadilli– Të lutem Edith, se nuk kishte bërë parti në atë kohë
Harxhi– Jo ju lutem duhet të jemi të sinqertë në këtë. Zoti Patozi ishte larguar në atë kohë
Kadilli– Unë kam pasur materialin, ti thua ishte larguar, të lutem më lër të mbaroj. Po më hani sekondat dhe e bëni qëllimisht. Ka pasur një material të sjellë nga Astrit Patozi dhe një grup që e mbështeste atë dhe është krijuar një komision që drejtohej nga Ristani. Kemi negociuar edhe me grupin tuaj.
Harxhi-Ju nuk keni diskutuar asnjë herë me mua. Keni dalë vetëm në datën 26 prill për të kundërshtuar Lulzim Bashën dhe gjithçka ka bërë ai.
Kadilli-Ka një historik të njohur dhe kthejuni kronikave tuaja.
Harxhi-A kishim ne ndonjë përfaqësues në komision?
Kadilli-Po, kishit Gerti Malko
Harxhi-Jo unë nuk jam përfaqësuar nga asnjë. Gerti Malko nuk ka qenë përfaqësuesi im.
Kadilli– Hiqja mikrofonin se nuk mund të pranoj gënjeshtrën unë këtu. Është bërë debat se kam e foto që është diskutuar me orë të tëra. Edhe në Kuvend është diskutuar. Ka pasur një komision që ka punuar tre muaj. Moj zonjë për respekt duhet të më dëgjoni.
Discussion about this post