Ndoshta nuk e dinit, por opinionistja e “Big Brother VIP”, Balina Bodinaku, është prej vitesh partnerja e analistit dhe gazetarit të njohur, Andi Bushatit.
Në një intervistë për “Revistën Bordo” ajo foli rreth marrëdhënies së tyre duke u shprehur se Andi është një njeri shumë i kujdesshëm dhe i pranishëm.
“Andi im është i kujdesshëm, është i pranishëm, është me mua në çdo gjë që bëj, e në çdo rast kur kam nevojë për dikë. I jam pafund mirënjohëse Zotit, universit, apo çfarëdo lloj force, apo rrethane që e solli në jetën time. Thënë kjo, ai do tallet me mua e do më ngacmojë një vit rresht, pasi të lexojë këto që po them për të. Dhe përveç kësaj, duke qenë ai vetë shumë diskret, e i rezervuar për jetën e tij, unë bëj mirë ta mbyll me kaq (Qesh)”- ka thënë ajo.
Ajo gjithashtu shprehet se nuk ka një formulë të veçantë për një marrëdhënie të funksionojë, pasi sipas saj, çdo çift duhet të gjej atë që funksionon për ta.
“Kimia, koordinimi, interesat e përbashkët, besimi në të njëjtat parime. Po këto janë fjalë shumë të përgjithshme. Në të vërtetë, mendoj se një formulë nuk ka dhe sugjerimet në këtë pikë janë të pavlera. Çdo çift duhet ta gjejë vetë atë që funksionon për të. E nëse nuk e gjen… atëherë nuk funksionon.”- është përgjigjur Balina Bodinaku.
Balina Bodinaku foli për herë të parë për marrëdhënien e saj me Andi Bushatin në “IN Tv”, e ftuar në emisonin “Tek Unë”. Ajo tregoi se ata janë njohur edhe më parë në rrethet mediatike, por ajo çfarë i bashkoi ishte një shaka nga ana e Andi Bushatit. / O.B / Gijotina.com
Discussion about this post