Për portierin e Ajax, Andre Onana ka vetëm një opsion dhe ai është Barcelona. Pvavarësisht situatës së vështirë që po kalon klubi spanjoll, ai ka deklaruar se katalanasit janë zgjedhja e tij e parë.
“Natyrisht. Është shtëpia ime dhe unë jam rritur atje. Nëse është Barcelona, do të jetë Barcelona. Unë vazhdoj të jem në kontakt me Barcelonën. Kam mbajtur një marrëdhënie shumë, shumë të mirë me klubin që kur u largova. Barcelona është shtëpia ime dhe ne kemi qëndruar gjithmonë në kontakt”, tha kamerunazi.
Ai e kujton me dashuri periudhën në La Masia dhe tha se aty rritesh jo vetëm si lojtar, por edhe si njeri.
“Në La Masia është sikur je në një hotel luksoz dhe nuk e kupton derisa të largohesh. Ti rritesh dhe mëson shumë si futbollist, por edhe si person. Vlerat që përfaqëson ky klub janë të pabesueshme dhe kujtimet që kam për të janë të mrekullueshme”, u shpreh portieri.
Situata financiare për Barcelonën nuk është aspak e mirë dhe ata do të shqyrtojnë mundësitë që të afrojnë lojtarë me parametra zero në merkaton e verës, ndërkohë Onana ka konfirmuar se ai nuk do të rinovojë me Ajax.
Discussion about this post