VIDEO, ‘është manipuluar”, zbulohet çfarë i tha Hamilton ekipit gjatë garës

Lewis Hamilton ka thënë se gara që shpalli Max Verstappen kampion bote të Formula 1 ka qenë e manipuluar.

Britaniku humbi mundësinë që të kalonte rekordin e Michael Schumacher, ndërsa gjatë garës është zbardhur biseda e pilotit të Mercedes me ekipin e tij.

Hamilton dëgjohet t’i thotë inxhinierit, Peter Bonnington se kjo garë është e manipuluar që ai të mos marrë titullin e tetë kampion.

“Kjo është manipuluar”-dëgjohet të thotë britaniku.

Rikujtojmë se Hamilton humbi garën e Çmimit të Madh të Abu Dhabi, që ishte edhe vendimtarja për trofeun e këtij viti që u mor nga belgu i Red Bull.

Mercedesi bëri dy ankesa për parregullsi, duke pretenduar se Verstappen nuk kishte të drejtë ta tejkalonte Hamiltonin kur Makina e Sigurisë ndodhej në shteg, por Federata Ndërkombëtare e Automobilizmit (FIA) i hodhi poshtë ankesat.

Në intervistën e vetme të dhënë pas kësaj garë, Hamilton e uroi Verstappen për fitimin e titullit.

“Së pari, urime Maxit dhe ekipit të tij”,– u shpreh britaniku./K.T/Gijotina.com