Gjatë një interviste ditën e sotme, Edi Paloka ka komentuar deklaratën e Ramës në Gjermani ku foli për “Open Balkan”. Sipas Palokës, duket qartë që Gjermania nuk e mbështet këtë nismë dhe prandaj Rama duhet të tërhiqet. Paloka tha se Ballkani i Hapur i shërben vetëm Serbisë dhe përbën rrezik për Ballkanin Perëndimor.
“Gjermania ka qenë gjithmonë nga vendet që ka orientuar jo vetëm Shqipërinë por dhe politikën Europiane. Ka kaq kohë që Rama përpiqet të faktorizojë nismën e tij dhe të Vuçiç për Open Ballkan. E dini ju që ky i famshmi Open Ballkan nuk ka asnjë marrëveshje të shkruar, ku të skicohet se çfarë është Open Ballkan. Ky flet gjithë kohën për Open Ballkan, që i intereson Serbisë, minimnalisht Rama duhet të ishte tërhequr pasi luftës në Ukrainë. Marrëveshja po të ekzistonte duhet të vijë të ratifikohet në parlament”, tha Paloka.
Sakaq, Paloka tha se Rama me këto veprime tregon që radhitet në krah të Vuçiç dhe Putinit. Të cilët kërkojë luftë dhe destabilitet.
Discussion about this post