Skuadra e Espanjolit ka bërë surprizën në kampionatin spanjoll duke mundur në shtëpi Realin e Madridit. Një performancë e shkëlqyer e katalanasve të cilët mposhtën 2-1 të besuarit e trajnerit Karlo Anceloti. Në këtë përballje spikati mesfushori i kombëtares kuq e zi, Keidi Bare protagonist tek goli i dytë i Espanjolit duke dhuruar një assist perfekt.
Reali ngushtoi diferencat me Benzema i cili gjeti sërish rrugën e rrjetës më pas por goli u anulua për pozicion të parregullt. Rrugën e rrjetës e gjeti edhe Hazard por belgu ishte i pafat pasi VAR anuloi golin e tij. Një disfatë e papritur për madrilenët që konsiderohet si favorit absolut në këtë përballje.
