Presidenti i Serbisë, Aleksandër Vuçiç, nuk i ka dërguar letër EULEX-it në lidhje me tre zyrtarët policorë të Kosovës.
Kështu bëri të ditur EULEX-i, ndërsa shtuan se për këtë çështje kanë kërkuar informacion nga Ministria e Brendshme e Serbisë.
Po ashtu, EULEX-i është në kontakt edhe me Policinë e Kosovës dhe KFOR-in në lidhje me këtë rast.
“Presidenti i Serbisë nuk i ka dërguar letër EULEX-it për rastin e tre zyrtarëve policorë të Kosovës.
Megjithatë, EULEX-i ka kërkuar dhe ka marrë informacion për këtë rast nga Ministria e Brendshme e Serbisë në bazë të Protokollit për bashkëpunim policor mes EULEX-it dhe Ministrisë së Brendshme të Serbisë.
Përveç me Ministrinë e Brendshme të Serbisë, EULEX-i është në kontakt edhe me Policinë e Kosovës dhe KFOR-in në lidhje me këtë rast”, thuhet në njoftim.
Bashkimi Evropian u ka bërë thirrje sërish kryeministrit të Kosovës, Albin Kurti, dhe presidentit të Serbisë, Aleksandar Vuçiç, që të ulen në bisedime.
BE i ka kërkuar dy liderve që të pranojnë ftesën për pjesëmarrje në takimin e krizës në Bruksel, duke mos vendosur asnjë kusht.
Presidenti i Serbisë ka refuzuar të takohet me Kurtin, por nuk e ka dhënë përgjigjen përfundimtare nëse nuk do të marrë pjesë në takim.
Kurti tha këtë të hënë se do ta japë përgjigjen e tij pasi të vizitohen policët që mbahen në Kralevë dhe të shihet gjendja e tyre.
Discussion about this post