Euro 2024/ Tre pretendentë zbresin në fushë, Shqipëria me sytë nga Spanjë-Itali

në Sport

Kohë leximi: 2 min

Ditën e sotme do të zbresin në fushë tre nga skuadrat pretendente për të fituar kampionatin.

Bëhet fjalë për Anglinë, Spanjën dhe Italinë.

Në orën 15:00, Sllovenia do të përballet me Serbinë, dhe kjo e fundit do të kërkojë pikët e para. Kujtojmë se sllovenët i morën 1 pikë Danimarkës, ndërsa Serbia humbi me Anglinë.

Danimarka dhe Anglia do të luajnë në orën 18:00, me anglezët që padyshim janë favoritë. “Tre Luanët” duan fitoren e dytë radhazi në grup.

Të dyja takimet janë të vlefshme për grupin C.

Ndërsa në mbrëmje luhet ajo që cilësohet si finale e parakohshme, Spanjë-Itali. Të dyja ekipet vijnë në këtë duel pas fitoreve në ndeshjet e para dhe dëshirojnë të përsërisin të njëjtin sukses.

Ky takim është i vlefshëm për grupin B, ku luan edhe Shqipëria. Për kombëtaren kuqezi rezultati i kësaj përballje është veçanërisht i rëndësishëm, për të bërë më pas llogaritë për mundësitë e kualifikimit.

Spanjë-Itali, formacionet e mundshme:

Spanja (4-3-3) – Unai Simon, Carvajal, Le Normand, Nacho, Cucurella; Pedri, Rodri, Fabian Ruiz; Yamal, Morata, Nico Williams.

Në dispozicion: Raya, Remiro, Vivian, Merino, Joselu, Olmo, Ferran Torres, Grimaldo, Laporte, Alex Baena, Zubimendi, Oyarzabal, Jesus Navas, Fermin Lopez, Perez.

Italia (4-2-3-1): Donnarumma; Di Lorenzo, Bastoni, Calafiori, Dimarco; Jorginho, Barella; Chiesa, Frattesi, Pellegrini; Scamacca.

Në dispozicion: Vicario, Meret, Gatti, Buongiorno, Mancini, Darmian, Bellanova, Cambiaso, Cristante, Fagioli, Folorunsho, El Shaarawy, Zaccagni, Retegui.