Miroslav Lajçak ishte për një vizitë dy ditore në Kosovë, ku u takua me liderët shtetëror dhe përfaqësuesit ndërkombëtar të NATO dhe EULEX. Në një mesazh të publikuar në llogarinë personale në Twitter, eurodeputeti austriak, Lukas Mandl, kareaguar në lidhje me këtë takim dhe i ka kërkuar llogari Lajçakut mbi ecurinë e dialogut Kosovë-Serbi.
Në këtë mesazh Mandl i kërkon atij që të paraqesin një afat se kur do të t’i jepet zgjidhje kësaj çështjeje. “Në rregull. Kur do të tregojë rezultate përpjekja jote? Çfarë ke arritur deri tani sa i përket njohjes nga pesë shtete anëtare dhe nga Serbia në mënyrë që të vendoset normalizim në kontakt dhe ndërveprim? Njerëzit e Evropës meritojnë rezultate”, ka shkruar Mandl. Kujtojmë se gjatë ditës së djeshme, Lajçak ka takuar në Prishtinë presidenten, Vjosa Osmani dhe kryeministrin Albin Kurti me të cilët ka diskutuar konkretisht për dialogun me Beogradin.
Discussion about this post