Ditën e sotme janë luajtur ndeshjet e para të Europa League, ku kanë pikasur me fitoret e tyre Arsenali, Rennes dhe Betis. Dy gola u mjaftuan “Topçinjve” që të triumfojnë ndaj Zyrich, në Zvicër me rezultatin 2-1. Golat u shënuan nga Marquinhos dhe Nketiah, ndërkohë që zviceranët kishin barazuar përkohësisht me Mirlind Kryeziun e Kosovës. Ai shënoi me penallti në fund të pjesës së parë.
Ndërkohë, Rennes likuidoi 2-1 qipriotët e AEK Larnaca, kurse Betis ia dolit të festonte me rezultatin e pastër 2-0 kundër HJK.
Surprizën sonte e bënë bullgarët e Ludogorets, pasi mposhtën Romën, me rezultatin 2-1. Cauly zhbllokoi ndeshjen, kurse Shumorodov barazoi para se Nonato të realizonte golin e fitores. Më poshtë rezultatet në Europa League.
Discussion about this post