Kanë përfunduar 4 ndeshjet e para çerekfinale të vlefshme për Europa League. Në këto sfida u shënuan 7 gola, teksa nuk munguan as surprizat.
Manchester United ka parë t’i ikte nga duart një fitore shumë të rëndësishme në fushën e Olimpik Lionit, në ndeshjen që u mbyll me barazimin dramatik 2-2, duke lënë gjithçka të hapur për vendin në gjysmëfinalet e Ligës së Europës.
Skuadra franceze kaloi e para në avantazh, por në fundin e pjesës së parë u arrit nga goli i Joro. Zirkze shënoi në minutën e 88 dhe u mendua se mbylli ndeshjen për “djajtë e kuq”. Por Sherki në minutën e pestë shtesë shënoi golin e barazimit përfundimtar 2-2.
Edhe dy ndeshjet e tjera janë mbyllur me barazim, teksa duhet theksuar se Rangers mbeti me 10 lojtarë që në minutat e parë, por i rezistoi Atletik Bilbaos që humbi edhe një penallti me Berenguer.
Nedim Bajrami e nisi ndeshjen nga stoli dhe u aktivizua vetëm në minutat shtesë të takimit me skuadrën skoceze.
Discussion about this post