14 skuadra do të zbresin sot në fushë për të luajtur ndeshjet e vlefshme për çerekfinalen e Ligës së Europës.
Roma-Brighton konsiderohet si një prej dueleve më të forta.
Skuadra e Daniele De Rossit po kalon një formë të jashtëzakonshme dhe nën drejtimin e ish-kapitenit po tregon një tjetër fytyrë.
Italianët kaluan Feyenoord me shumë vështirësi një tur më parë e tani në rrugën e tyre gjejnë anglezët që drejtohen nga De Zerbi.
“Pulëbardhat”, në katër ndeshjet e fundit në Europa League kanë marrë 4 fitore pa pësuar gol dhe pritshmëritë janë maksimale për këtë përballje të parë mes këtyre dy skuadrave.
Milani në anën tjetër, pasi kaloi Rennes pa shumë vështirësi, do të matë forcat me çekët e Slavia Prague.
Kuqezinjtë shihen si favoritë, por përballë do të kenë një kundërshtar që vjen si i pari i grupit të tij.
Dhe në këtë edicion ka pësuar vetëm 3 humbje në të gjitha garat. Në “San Siro”, të besuarit e Piolit do synojnë t’i mbyllin llogaritë në mënyrë që të mos i lënë asgjë rastësisë pas një jave.
Liverpool është mes pretendentëve për të fituar këtë kompeticion, por kjo javë do të jetë shumë e rëndësishme për të besuarit e Klopp.
“The Reds” do të luajnë ndeshjen e parë në Çeki, me Sparta Prague ku aktivizohen Qazim Laçi dhe Indrit Tuci.
Skuadra e dy kuqezinjve eliminoi gjigantët e Galatasaray në raundin e mëparshëm. Teksa do synojnë një tjetër mrekulli.
Anglezët garojnë dhe për titullin në Premier League e në fundjavë do matin forcat me Mancheter Cityn.
Kështu që në këtë sfidë do menaxhojnë forcat dhe për takimin e fundjavës, duke marrë në konsideratë se ndeshjen e kthimit me Spartën e luajnë në shtëpi pas një jave.
Bayer Levekusen do të ndeshjet për të tretën herë këtë edicion me Qarabagun e Redon Xhixhës. Pas sfidave të grupit, “Aspirinat” e pamposhtura tani do kërkojnë kualifikimin në çerekfinale.
Kundër azerëve që i kanë humbur të dyja ndeshjet e fazës së grupeve me gjermanët.
Shumë interesante do të jetë dhe përballja gjermano-angleze mes Freiburg dhe West Ham.
Anglezët e kanë gjetur ritmin e duhur teksa vijnë pas dy fitoresh rresht, ndërkohë gjermanët u kualifikuan me jo pak vështirësi nga turi paraardhës, teksa eliminuan vetëm pas shtesës Lens.
Mjaft të ekuilibruara duke dhe Benfica-Braga e Marseille-Villarreal. Ndeshjet e kthimit të këtij raundi do të luhen javën e ardhshme.
Discussion about this post